Lêkolînvanekî Iraqê: Emê naçar bibin bi şer artêşa Amerîka û Tirkiyê derbixin!
Lêkolînvanê siyasî yê Iraqê Hafiz El Beşare ji çapemeniya welatê xwe re ragehand, dengdan li parlamentoyê ji bo projeyasaya derxistina hêzên Amerîka û hemû hêzên din ên biyanî û bi taybet hêzên Tirkiyê jî, dê hikûmeta Iraqê naçar bike ku projeyê bicîh bîne.
Hafiz El Beşare ragehand, eger ew hêzane pêbendî biryara parlamentoya Iraqê nebin û dernekevin, wê demê dê wek dagirker danûstan li gel wan bê kirin û emê naçar bibin hêz li dijî wan bikarbînin.
Lêkolînvanê Iraqî amaje bi wê yekê jî kir ku zêdetirî 150 parlamenteran îmza li ser projeyasaya derxistina hêzên Amerîka, Tirkiye û hemû hêzên biyanî kirine.
Basnews
