Endama Parlamentoya Herêma Kurdistanê dibêje, dema Mesrûr Barzanî kampanya komkirina alîkariyan bike karê sereke yê hikûmeta xwe, gelê Başûrê Kurdistanê çi ji destê wan tê dê alîkariya qurbaniyên Bakur û Rojavayê Kurdistanê bike.

Parlamentera Fraksiyona Partiya Demokrata Kurdistanê (PDK) li Parlamentoya Kurdistanê Hasîbe Seîd Gerdî ji BasNewsê re got: “Alîkariyên ku ji bo xuşk û birayên me yên li Bakur û Rojavayê Kurdistanê hatine komkirin û şandin, di xem û xema Serok Barzanî de tê dîtin. Rênîşandan, pîrozbahî û cesaret li tîmên Dezgeha Xêrxwazî ya Barzanî ye û di biryarên guncaw ên Serokwezîr Mesrûr Barzanî de cîh girtiye.”

Herwiha Hesîbe Gerdî dibêje: ‘’Dema ku Mesrûr Barzanî vê kampanyayê ji bo hikûmeta xwe dike karekî herî girîng, xelkê Başûrê Kurdistanê dibin beşek ji vê kampanyayê û çi ji destê wan tê pêşkêşî qurbaniyên Bakur û Rojavayê Kurdistanê dikin, ev karekî pîroz û mirovî ye û hêjayî rêzgirtinê ye.”

 

Basnews