Keça Kurd Kewyar, roja yekşemê li Eyaleta Hessen a Almanya, piştî pîrozkirina 5emîn rojbûna xwe wenda bû. Ji bo dîtina Kewyar 300 polîs û endamên agirkujiyê li her deverê bi hendaze di nav lêgerînê de ne.



Malbata Kewyarê, ji pîrozkirina 5emîn rojbûna keça xwe, li Parka Gukhagen a zarokan, ji bo Kewyarê ahengeke piçûk saz kiribû, lê piştî ahengê Kewyarê wenda bibû.



Hat ragihandin ku Kewyarê nexweşa otîzmê ye û nikare bipeyive.



Komîserê Polîsên Eyaleta Hessenê Dirk Bartuldis, di derbarê bûyerê de ji Rûdawê re ragihande ku ji ber parka Kewyarê lê wenda bûye li derveyê bajêr û nêzîkî çemê Fûldayê ye, polîs giraniya lêgerîna xwe daye wê deverê.



Bartuldis got: “Di lêgerînan de nêzîkî 300 polîs û endamên dezgeha agirkujiyê cih digirin. Helîkoptêr jî têne bikaranîn, lê belê heta niha en negihîştine encameke berbiçav.”



Polîsê Hessenê, her wiha, bi mebesta kesên ku Kewyarê bibînin û wan agahdar bikin, wêneyên Kewyarê jî parve kir.



Malbata Kewyarê demek berê ji Herêma Kurdistanê, wek penaber koçî Almanyayê kiribû.

Rudaw