Tîmên ser bi Îdareya Taybet ji bo rêyên 9 gund û 12 avahiyên derdora Çiyayê Kurtik ê Başûrê bajarê Mûşê yê Bakurê Kurdistanê vekin 24 saetan kar dikin. Li ser rêya derdora Çiyayê Kurtik ku 2500 metre ji asta deryayê bilind e, ji ber bager û bablîsokê li hinek cihan 6-10 metreyan berf bilind bûye.



Tîmên ser bi Îdareya Taybet a Mûşê li ser karê xwe yê vekirina rêyan berdewam in û heta niha karîne nêzîka 110 kîlometreyan rêya 9 gund û 12 avahiyan vekin, lê ji ber ba û bagerê hinek asteng derdikevin.



Li hinek deveran jî nêzîka 10 metreyan berf bilind bûye.



Osman Korkmaz, da zanîn ku du roj e tîmên wan hewl didin rêyan vekin lê ji ber bager û mijê hinek asteng derdikevin. Muxtarê Gundê Axilî Abdulselam Dinçer jî da zanîn ku vekirina rêyên 9 gund û 12 mezrayan bo navçeyê gelekî girîng e.

Rudaw