Emîrê Komela Îslamî ya Kurdistanê (Komel) Elî Bapîr, nerazîbûna xwe li hember hebûna hêzên PKKê li Başrê Kurdistanê nîşan da û ragihand, tiştên ku PKK li Başûr dike ne dikeve çarçoveya kurdiniyê ne jî dikeve çarçoveya azadî û mafên mirov!

Emîrê Komela Îslamî ya Kurdistanê Elî Bapîr, di vîdeoyekê de ku di malperên civakî de hatiye belavkirin, li ser hebûna PKKê li Başûrê Kurdistanê nerazîbûn nîşan daye û gotiye: Em bi xwe welatê xwe birêve dibin vêca çima PKK dê ji Qendîl û Sûriyê re were û me birêve bibe!

Elî Bapîr behsa rewşa Şingalê û hêzên PKKê yên li wir jî kiriye û gotiye: Ma pêşmergeyên êzîdiyan nîne! Şingal beşek e ji Herêma Kurdistanê ji ber wê jî divê her hêza ku li wir hebe, bi rizamendî û mohleta Herêma Kurdistanê be. Eger ew (PKK) bêje ez va li vi rim û guh nadim ti kesî! nayê qebûlkirin.

Emîrê Komelê daye xuyakirin, ma kes dikare dema diçe Qendîlê, bêje ez guh nadim PKKê! Eger wisa bike PKK dê yekser nasnameya wî/wê jê bistîne… Ji ber wê jî ewa ku PKK dike, ne dikeve çarçoveya kurdiniyê ne jî dikeve çarçoveya azadî û mafên mirov.

Basnews