Hikûmeta Herêma Kurdistanê di derbarê bûyerên navçeya Şêladzê de ragihand ku destekî fitneçî li pişt vê bûyerê heye û fitneçî dê werin cezakirin.



Îro Şemiyê (26.01.2019) li Şêladizê xwepêşandan li dijî bombebarana deverên wan ji aliyê Tirkiyê birêve çû, Xwepêşander çûne nav serbazgeheke artêşa Tirkiyê ya li vî sînorî û di encamê de kesekî canê xwe ji dest da û 15 kesên din birîndar bûn.



Hikûmeta Herêma Kurdistanê derbarê bûyerên li Şêladzê de daxuyaniyek belav kir



Di daxuyaniya Hikûmeta Herêma Kurdistanê de wiha hat gotin: “Em dilgiran in ji bo ziyana canî û birîndaran di bûyerên navçeya Şêladizê de. Tevî sersaxiyê, em hevsoziya xwe li gel malbatên qurbaniyan radigehînin.”



Hikûmeta Kurdistanê herwiha dibêje: “Destekî fitneçî li pişt vê bûyerê heye, lewra dezgehên pêwendîdar bi hûrî lêkolînê dikin û sebebkarên aloziyan û fitneçî dê werin cezakirin.”

Rudaw