Şîretkarê Encumena Asayişa Kurdistanê Mesrûr Barzanî îro li Hewlêrê pêşwazî li fermandeyê giştî yê tîma hevbeş ya operasyonên taybet ya hevpeymaniya dijî DAIŞê li Iraq û Sûriyê, general Patrick Roberson û şanda pê re kir.

Di civînê de bi giştî behsa şerê DAIŞ û terorê hat kirin her wiha aloziya ku li rojhilatê çemê Firatê li Sûriyê heye, jî hat axaftin.

Mesrûr Barzanî da xuyakirin ku divê di navbera hêz û partiyên siyasî yên Rojavayê Kurdistanê de rêkeftinek nû were kirin da ku mafên gelê kurd li Sûriyê were garantîkirin.

Di hevdîtinê de behsa çawaniya zuhakirina terorê û hemahengiya zêdetir di navbera hêzên Iraqî, Pêşmerge û hevpeymaniya dijî DAIŞê de û dabînkirina aramiyê li deverên ku ji destê DAIŞê hatine derxistin, jî hat kirin.

Waar.tv