Biryar e îro şandeke Partiya Demokrat a Kurdistanê (PDK) serdana Baregeha Sereke ya Tevgera Goranê li bajarê Silêmaniyê bike û her du alî ji bo guftûgokirina pirsa pêkanîna kabîneya nû ya Hikûmeta Herêma Kurdistanê bicivin.

Endamê Civata Niştimanî ya Tevgera Goranê Nesredîn Mehmûd ji K24ê re ragihand, îro şande PDKê serdana Silêmaniyê dike û ligel şanda danûstandkar a Tevgera Goranê dicive.

Got jî, civîn îro demjimêr 12:00 dest pê dike û taybet dibe bi guftûgokirina pirsa pêkanîna kabîneya nû ya Hikûmeta Herêma Kurdistanê dibe.

Nesredîn Mehmûd amaje bi wê jî da, Tevgera Goranê komîteyek ji endamên Civata Niştiman ava kiriye û komîte pêşwazî li şanda PDKê dike û pê re dicive.

Ev di demekê de ye, duhî şanda bilind a PDKê û YNKê li Hewlêrê ji bo guftûgokirina pirsa pêkanîna kabîneya nû ya Hikûmeta Herêma Kurdistanê û pirsên Kerkûk û Bexdayê civiyabûn.

K24