Jiber şerê PKK û Tirkiyeyê rastî metirsiya nemanê hatine
Jiber şerê PKK û Tirkiyeyê rastî metirsiya nemanê hatine.
Jiber şerê navbera PKK û artêşa Tirkiyeyê yaku, demeke dirêje li parêzgeha Dihukê û deverên sînorî yên vê parêzgehê de didome, dever rastî zirarên gelek mezin yên madî û dîrokî hatiye.
Jiber şer û pevçûnên han niha li vê parêzgehê zêdetir ji 80 paşmayiyên girîng yên dîrokî ketine bin metirsiya herifîn û nemanê.
Birêveberatiya parastina şûnwarên dîrokî ya li Dihukê diyar kiriye ku, jiber şer û pevçûnên heyî nikarin wan şûnwar û paşmayiyên dîrokî biparêzin û daxwaz ji PKK û Tirkiyeyê kiriye daku, dawî bi şerê xwe li deverê de bînin.
Weke tê zanîn jiber şerê navbera PKK û Tirkiyeyê gelek gundên vê herêmê jî hatine valakirin û dever rastî zirarên gelek mezin hatiye.
