Serokê Amerîkayê sedema veşartî çûna Iraqê û civîna li gel fermandarên artêşa welatê xwe yên li Iraqê aşkera kir.

Şeva borî 26.12.2018ê çapemeniya Amerîkayê bi belav kirina çend wêneyekî Donald Trump û hevjîna wî Milania Trump ên li gel hêzên Amerîkayê yên li Iraqê hatin belav kirin, ku Trump şeva 24-25.12.2018ê bi serdaneke veşartî geheştiye Iraqê û li biryargeheke artêşa welatê xwe ya li parêzgeha Enbarê, li gel fermandar û leşkerên Amerîkî civiya.

Li gor nûçeyekî Sky News, Serokê Amerîkayê Donald Trump sedema aşkera nekirina serdana xwe ya Iraqê, ji ber metirsiya ewlehiyê penase kir û ragehandiye ku, ew gelek diltenge, ji ber piştî xerckirina 7 trilyon dolar pare, hîn jî Iraq seqamgîr nebûye û pêwîst dike bi veşartî serdana wî welatî bike.

Serokê Amerîkkayê diyar kiriye ku ew ji ber serokatiya Amerîkayê û tirsa wî ya ji metirsiyên ser hevjîna wî Milania, serdan bi veşartî pêkaniye û bi ti awayekê ji ber metirsiya canê xwe nîgeran nebûye.

Donald Trump aşkera kir, bi balefirekî ku hemû lambên wê vemirandî û çend balefiran jî parastina wan kiriye û bi wî awayî geheştiye Iraqê û vegeryaye.

Waar.tv