Mosko gûmanê bi helwesta Tirkiyê ya li hember yekperçeyîya xaka Sûriyê nake û dibêje: “Çalakiya Tirkiyê li bakurê Sûriyê demkî ye û pê re hin metirsiyên ewlehiyê derdikevin.”

Nûnerê Rûsya di Nivîsgeha Netewên Yekgirtî de Gennady Gatilov ji rojnameya “Izvestia” a Rûsî re ragihand, sînorê Tirkiyê bi Sûriyê dirêj e û ji mafê wê ye bersiva gefên li ewlehiya wê tê kirin bide, bi taybet heger ew gef teroristî bin.

Herwiha got jî: “Pirsa Kurdî di tevna Sûrî de babeteke hestiyar e. Çalakiya Tirkiyê li bakurê Sûriyê diyardeyeke demkî ye û berî her tiştî girêdayî bi ewlehiya netewî û metirsiya terorê ye.”

Gennady Gatilov dibêje: “Em naxwazin fermanan bidin ka ew metirsî ta çi astê rast in. Em dizanin ku Enqere pabend e bi yekperçeyîya Sûriyê û serweriya wê û ti tişt nîn e ku gûmanê bi rastiya vê helwestê bikin.”

Tirkiyê demek e gefa destpêkirina operasyoneke leşkerî li herêmên Kurdî li rojhilatê çemê Firatê dixwe û di dawî pêşhat de, Serokê Amerîka ragihand, ewên hêzên Amerîkî ji Sûriyê û Rojavayê Kurdistanê vekişînin.

Lê piştî biryara vekişîna hêzên Amerîkî, Serokomarê Tirkiyê Recep Teyip Erdogan ragihand, ew bi awayekî demkî rawestînin.

K24