Sedir bi yek peyv rewşa Bexdayê aram kir
Daxwaz ji alîgirên xwe kir dawî bi xwepîşandanan bînin.
Piştî du rojan şer û pevçûnan di navbera alîgirên Sedir û komên din yên şîe de, îro Serokê tevgera Sedir Muqteda Sedir peyamek pêşkêş kir.
Sedir ragihand ku, şoreşa Sediriyan nabe tundûtîj be, eger wisa be, ez xwe jê bidûr digirim û nabe şoreş belku, dibe alozî lewre lazime ev kesên ku alîgirên rastîn yên Sedirin, dev ji tundûtîjî berdin û di nava seatekê de dawî bi xwepîşandanan bînin.
Piştî gotara Sedir, alîgirên wî li navçeya Kesik ya Bexdayê vekêşan û dawî bi xwepîşandanan anîn.
weke tê zanîn ji duhê ve heta niha zêdetir ji 35 kesan canê xwe ji dest dane û nêzî 400 kes jî birîndar bûne.
