Li gor raporta rêxistina Save the Children (Zarokan Rizgar Bikin) ya Brîtanî di nav vê mehê de di encama êrîşên Tirkiyê ya ser Rojavayê Kurdistanê de 13 zarok hatine kuştin û 27 zarok jî birîndar bûne.

Rêxistina Save the Children (Zarokan Rizgar Bikin) 25ê Tebaxa 2022an raportek li ser kuştin û birîndarbûna zarokan yên di encama êrîşên Tirkiyê yên li ser Rojavayê Kurdistanê de belav kir.

Li gor amarên raportê di navbera 1 û 24ê Tebaxa îsal de li Rojavayê Kurdistanê di encama êrîşên Tirkiyê ên SIHAyan de 13 zarokan canê xwe ji dest dane û 27 jî birîndar bûne.

Li gor raportê herî dawî 24ê Tebaxê di encama êrîşa SIHAyan de du zarokên ku temenê wan 12 û 13 sal bûn canê xwe ji dest dan ku beriya çend rojan jî li Hesekê û Til Temirê li navendeke Neteweyên Yekbûyî hejmareke zarokên keç hatibûn kuştin.

Her wiha li Qamişlo jî di 6ê Tebaxê di encama teqîna otomobîlekê du zarokên 14 û 16 salî canê xwe ji dest dabûn.

 

 

Rudaw