Derbarê êrîşên duhê bişev yên DIŞIê de peyamek weşand.

Serokê herêma Kurdistanê Nêçîrvan Barzanî derbarê êrîşên duhê bişev yên DIŞI yên bo ser artêşa Îraqê, polîs û hêzên çekdar peyamek weşand.

Serokê herêma Kurdistanê di peyama xwe de nivîsandiye ku ev êrîşên duhê bişev yên DIŞIê yên li Bexda, Diyale, Kerkûk û Selahedînê peyameke gelek metirsîdare.

Nêçîrvan Barzanî herwiha nivîsandiye ku zêde bûna liv û tevgerên terorîstan û zêdetir bûna êrîşên wan metirsiyeke rastîne li ser ewlekarî û aramiya deverê ku pêdiviye bi cidî li ser were rawestandin û bersifa pêwîst ya wan were dayîn.

Barzanî di beşeke din ya peyama xwe de nivîsandiye: Bo rûbirû bûna wan êrîşan lazime hemahengiyeke berfiretir di navbera artêşa Îraqê, hêzên çekdar, hêzên pêşmerge û dezgehên ewlekarî yên di navbera her du aliyan de hebe. Herwiha lazime hevkariya navnetewî bo Îraq û herêma Kurdistanê bo vê mebestê jî berdewam be.

Serokê herêmê herwiha nivîsandiye ku rewşa niha ya Îraqê hevkarî, hemahengî û karê hevbeş ji tevahiya pêkhate û aliyan daxwaz dike daku, bikaribin bihevre rûbirûyê qirîz û astengiyan bibin û welat ji vê rewşa han rizgar bikin.

Jiber ku ev alozî û qirîzên han bûne sedema bihêz bûna DIŞIê.

Serokê herêmê di dawiya peyama xwe de sersaxî daye malbetên kuştiyan û hêviya başûna bilez jî bo birîndaran xwestiye.

Weke tê zanîn duhê bişev DIŞI li çend cîhên curbicur yên Îraqê êrîş kiriye û di encam de herî kêm 7 leşker û çekdarên Îraqî hatine kuştin û 20ên din jî birîndar bibûn.