Serokê herêmê li akademiya leşkerî ya Zaxoyê ye.

Îro akademiya leşkerî ya Zaxoyê dawî bi 27mîn devreya perwerdehiya xwe anî.

Di merasîmê de Serokê herêmê Nêçîrvan Barzanî, Cîgirê Serokwezîr û hijmareke din rayedarên leşkerî yên Kurdistanê amade bûn.

Di merasîma han de Serokê herêma Kurdistanê Nêçîrvan Barzanî gotarek pêşkêş kir û balkêşande ser girîngiya yekxistina hêzên pêşmerge û reformên nava wezareta pêşmerge û ragihand ku pêşmerge bo parastina Kurdistanê hatiye avakirin ne ji bo parastina partî û aliyên siyasî lewre lazime hêzên pêşemrge werin yekxistin û bibin artêşeke nîştimanî û ji bin bandora part û aliyên siyasî de derkevin.

Nêçîrvan Barzanî herwiha anî ziman ku nabe em metirsî û hovîtiya DIŞIê bikêm bizanin jiber ku hîn jî ev metirsiya han heye û gelek jî mezine, lewre lazime em hêzên pêşmerge yek bixin û di her warî de bo rûbirû bûna metirsiyan wan amade bikin.

Barzanî di beşeke din ji gotara xwe de rixmî pîrozbayî kirin ji derçûnên akademiyê hevdem hêviya serkeftinê bo wan xwest û anî ziman lazime hun berevanîkarên Kurdistanê bin û xizmeta Kurdistanê bikin.

Nêçîrvan Barzanî di dirêjahiya gotara xwe de diyar kir ku, beriya çend rojan li akademiya Qela Çiwalan jî bi heman şêwe daxwaza yek xistina hêzên pêşmerge û nehêştina bandora part û aliyên siyasî li ser hêzên pêşmerge kiriye û got: Lazime reformên nava wezareta pêşmerge bidomin û hêzên pêşmerge werin yekxistin.

Derbarê civîna duhê ya PDK û YNK yaku bi Serokatiya Serokê herêmê Nêçîrvan Barzanî hatibû lidarxistin jî Nêçîrvan Barzanî got: Civîneke gelek baş û erênî bû.