Serokwezîrê Herêma Kurdistanê ligel parlamenterên Almanyayê civiya
Serokwezîrê Herêma Kurdistanê Mesrûr Barzanî li bajarê Munichê ligel parlamenterên Almanyayê civiya.
Serokwezîr Mesrûr Barzanî îro şemiyê 19ê Sibata 2022yan roja duyem a Konferansa Asayîşê ya Munichê, ligel Serokê Lijneya Pêwendiyên Derve yê Partiya CSU Thomas Erndl û parlamenterê partiya CDU Roderich Kiesewetter civiya.
Di civînê de rewşa giştî ya Iraqê û pêwendiyên Herêma Kurdistanê û Almanyayê hat gotûbêjkirin û tekezî li girîngiya pêşvebirina zêdetir a pêwendiyên herdu aliyan hat kirin.
Herwiha hat destnîşankirin ku Herêma Kurdistanê faktoreke girîng a seqamgîriyê ye li navçeyê.
K24
