Rêveberiya polîsê neft û gazê grubekî ku boriya neftê li sînorê Hewlêrê kun kiribû girt û yek ji wan tewanbaran jî xwedî nasnameya dijeteror a Silêmaniyê ye.

Polîsê neft û gazê bi daxuyaniyekî ragehand: ‘’Duh şeva 08. bo 09.02.2022 demjimêr 01:30ê hêzên me karîn grubekî diziya neftê û kun kirina boriyên nefta Herêma Kurdistanê li gundê Doleze ya nahyeya Quştepe ya li sînorê parêzgeha Hewlêrê, bigre û ew tewanbara di dema pêkanîna wî tewanî de hatin girtin. Ji 3 kesan pêkdihatin û kurd in. Dest li ser tankerekî plaqa wê ya Iraq – Silêmanî hat danîn û boriya nefta Herêma Kurdistanê kun kiribûn û bi xurtimekî ve neft li tankerê bar kiribûn.’’

Hat ragehandin: ‘’Yek ji tewanbaran xwedî nasnameya rêveberiya giştî ya dijeteror a Silêmaniyê ye û ew tewanbar radestî dadgeha taybet hatin kirin.’’

Polîsê neft û gazê hemwelatiyên herêma Kurdistanê piştrast jî kirin ku hêzên wan berdewam di amadebaşiyê de ne ji bo rêgiriya li diziya çavkaniyên dahat û dewlemendiya aboriya Herêma Kurdistanê.

 

Rudaw