Rêveberê bendava Duhokê derbarê gotegotên teqîna bendava Duhokê de daxuyanî da.

Ev demeke hin gotegot li ser torên civakî belav bûne û behsa teqîna bendava Duhokê dikin û ji ber wê jî xelkê Duhokê nîgeran bûye.

Rêveberê bendava Duhokê Ferhad Mihemed Tahîr ji BasNewsê re ragehand: ‘’Sala 1980ê de dest bi proseya çêkirina bendava Duhokê hatiye kirin û sala 1988ê de jî temam bûye.’’

Herwaha derbarê gotegotên teqîna bendavê de jî got: ‘’Her bendavekî berdewam pêwîstiya wê bi nûjen kirinê heye, lê ew gotegotên behsa teqîna bendava Duhokê dikin dûr in ji rastiyê û ti metirsiyek li ser bendavê tine.’’

Rêveberê bendava Duhokê amaje bi wê yekê jî kir ku naha zêdetir ji 20 milyon lîtreyên avê li bendava Duhokê kombûye û ew bendav sedî 10ê av a bajarê Duhokê dabîn dike.

 

Basnews