3 leşkerên Îranî hatine kuştin
tevgera Ceyiş Edil çend sale bo dabîn kirina mafên Belûçan dixebite.
Li başûrê Îranê di şer û pevçûnê de hatine kuştin.
Li gor çapemeniya Îranê duhê bişev li parêzgeha Sîstan û Belûçistanê ya li Başûrê Îranê, şer û pevçûn di navbera hêzên çekdar yên Îran û komên çekdar yên herêmî de qewmiye.
Di encama şer û pevçûnan de herî kêm 3 leşkerên Îranî û 5 çekdar hatine kuştin.
Artêşa Îranê jî diyar kiriye ku piştî pevçûnê, cîhên komên çekdar hatine topbaran kirin û çend navendên wan bi temamî hatine jinav birin.
Weke tê zanîn li eyaleta Sîstan û Belûçistanê, tevgereke çekdar ya bi navê Ceyiş Edil heye ku bo dabîn kirin û parastina mafên Belûçan li hember rejîma Îranê dixebite.
