Li Japonya ji baran û lehiyê herî kêm 11 kes mirin û bi dehan kes jî wenda bûne.

Îro li herêmên navîn û rojava yên Japonya baranek tund barî, heta niha jî barîna baranê didome.

Li gorî agahiyan, ji ber baranê lehî rabûye û herî kêm 11 kes mirine, bi dehan kes jî wenda bûne.

Tê gotin ku zêdetirî 1.5 milyon kes ji ber lehiyê û ji tirsa şimitîna erdê neçar mane malên xwe biterikînin.

Li gorî pêşbîniyên keşnasiyê, baran û bager dê heta sibê jî bidome.

Basnews