Bûdceya sala 2022 ya Tirkiyê ji aliyê parlementoya wî welatî ve hat pesendkirin.

Piştî 12 rojan gotûbêj û şer û alozî, parlementoya Tirkiyê duhî ew bûdceya ku hikûmetê pêşniyar kiribû, pesend kir.

Bûdce bi 327 dengên erê li hember 197 dengên na hat pesendkirin.

Di nav gotûbêjên bûdceyê de şer û aloziyên tund derketin. Bi taybet ew civînên ku wezîrê navxwe Suleymna Soylu tê de beşdar dibû, di navbera wî û parlementerên HDP û CHPê de şer û aloziyên mezin derdiketin.

Bûdceya sala 2022 ya Tirkiyê 104.9 milyar dolar hatiye hesibandin.

Ev demek e rewşa aboriya Tirkiyê bi taybet nirxa diravê wî welatî li hember dolar û diravên din yên biyanî gelekî xirab bûye û roj bi roj jî kirîza han kûrtir dibe.

Herî dawî nirxa her dolarekî gihîşt nêzîkî 17 lîreyan.