li Îranê ji bilî qirîza darayî qirîza derman jî heye.
Serokkomarê Îranê ferman bi bankaya navendî daye pere dabîn bike.

Li Îranê jiber qirîza darayî û dorpêçên heyî, qirîza dermanan derketiye û gelek kes nikarin dermanên pêwîst bo xwe dabîn bike.

Rejîma Îranê jî bo çareser  kirina qirîza han dest bi cîhbicîh kirina rêkarên nû kiriye û li gor çapemeniya Îranê Serokkomarê Îranê Îbrahîm Reîsî ferman bi bankaya navendî ya Îranê kiriye daku pereyên lazim bo kirîna derman û tiştên pêwîst û girîng dabîn bike.

Di civîna civata wezîran ya Îranê de nîqaş li ser qirîza darayî, qirîza dermanan û dabîn kirina pêdiviyên sereke hatiye kirin û hikûmeta Îranê jî biryar daye daku bi awayeke tundtir bazar kontrol bike û rê nede buhayên tiştan giran bibin.

Niha li Îranê derman û pêdiviyên din yên jiyana rojane gelek buha bûne û beşeke zêde ji xelkê Îranê nikare derman û pêdiviyn xwe yên rojane dabîn bike.