Rêveberiya Giştî ya Şirîktiya Gelêrî ya Petrolên Tirkiyê (TPAO), destûrnameya lêgerîna petrolê ji bo qadên li çar bajarên Bakurê Kurdistanê Colemêrg, Sêrt, Mêrdîn û Şirnexê da.

Biryarên têkildarî petrolê yên Rêveberiya Giştî ya Karûbarên Maden û Petrolê ya Wezareta Enerjî û Çavkaniyên Siruştî di Rojnameya Fermî de hatin weşandin.

Li gorî vê yekê li Colemêrgê  ji bo 34 hezar û 705 hektar erd ji bo 5 salan destûr hat dayîn.

Ji aliyê din ve ji Şirîktiya Gelêrî ya Pîşesaziya Poliuretan a Derkimê re destûrnameya lêgerîna petrolê, ji bo heyama 5 salan ji bo zeviyeke 30 hezar û 701 hektarî ku li parêzgehên Mêrdîn, Sêrt û Şirnexê ye, hat dayîn.

Herî dawî li navçeya Nisêbînê ya Mêrdînê perol hat dîtin.

Li ser hesabê medyaya civakî ya TPAOyê gotibû di encama xebatên me yên li bîra Gunyurdî-1ê ya 32 kîlomêtro li rojhilatê Nisêbîn  petrola giran a bi pileya 11,8 APIyê hat dîtin.

45 bîrên nû hatin dîtin

Wezîrê Enerjî û Çavkaniyên Siruştî yê Tirkiyeyê Fatîh Donmez herî dawî li ser rêjeya petrola ku li Amed, Êlih, Semsûr û Şirnexê tê derxistin agahî parve kir.

Fatîh Donmez da zanîn ku di sala 2020an de bi giştî li herêmê 106 bîr kolane.

Donmez eşkere kir ku ji 106 bîrên; li 48 bîrên hilberîn dibe, li 39 bîrên lêgerîn berdewam e û 19 bîrên jî hatine tesbîtkirin û got, “Me bi giştî 236 hezar û 477 metre di van bîran de kolandin.”

Rudaw