Li Tirkiyê di meha Cotmehê de ji 58 rojnamevanên ku hatin darizandin re 896 sal cezayê girtîgehê hat xwestin.

Cemîyeta Rojnamevanan di çarçoveya “Projeya Berdêla Nûçeyê” de rapora binpêkirinên dijî rojnamevanan a meha Cotmehê eşkere kir. Li gor raporê, meha Cotmehê li 34 dadgehên cuda yên 9 bajaran 58 rojnamevan hatine darizandin. Derbarê 58 rojnamevanan de yek jê heta hetayê di navbera 272 sal û 896 sal û 15 rojan cezayê girtîgehê û 21 hezar dolar cezayê pere hatiye xwestin.

Rojnamevan herî zêde di çarçoveya Qanûna Terorê de hatine tohmetbarkirin. 27 rojnamevan bi “endamtiya rêxistinê”, 17 bi “propagandaya rêxistinê” 7 bi “li dijî derketina qanûna meş û civînan” û 4 jî bi “heqareta li serokkomar” hatine tohmetbarkirin.

Li gor raporê di Cotmehê de doza 10 rojnamevanan bi dawî bûye ku di 3 dozan de 2 sal û 5 meh û 12 roj cezayê girtîgehê û hezar û 800 dolar cezayê pere hatiye birîn.

Dîsan meha Cotmehê derbarê 7 rojnamevanan de lêpirsînên nû hatin vekirin û 2 rojnamevan di dema kar de hatin desteserkirin. Di heman heyamê de 4 rojnamevan rûbirûyê êrîşê bûne û gef li wan hatiye xwarin.

 

Rudaw