Li gor encamên rapirsiyan, rêjeya dengên Hevpeymaniya Cumhur di 6 mehên dawî de gelekî daketiye. Xwediyê Kompanya Lêkolînan a Avrasyayê Kemal Ozkiraz encamên rapirsiya Artibir nirxandin. Ozkiraz li ser YouTube encamên rapirsiya Artibir a Çile-Hezîranê dan berhev.

Li gor rapirsiyê, Hevpeymaniya Millet ku ji hevalbendiya CHP û ÎYÎ Partî pêk tê, di rêza yekem de cîh digre û rêjeya dengên Hevpeymaniya Cumhur jî ku AK Partî û MHP pêk tê, di 6 mehên dawî de gelekî daketiye. Li gor rapirsiyê piştî bêbiryar jî tên belavkirin, encamên meha Çile wiha dibin:

AKP: %34,5

CHP: %26,2

ÎYÎ Partî: %11,5

HDP: %11,6

MHP: %8,4

Partiya DEVA: %4,1

Partiya Pêşerojê: %2,6

Yên Din: %1,1

Li gor rapirsiyê piştî bêbiryar jî tên belavkirin, encamên meha Hezîranê wiha ne:

AKP: %31,5

CHP: %27,5

ÎYÎ Partî: %14,1

HDP: %11,1

MHP: %7,1

Partiya DEVA: %3

Partiya Pêşerojê: %1,9

Yên Din: %3,8

Li gor encamên rapirsiyê, ji meha Çile heta Hezîranê rêjeya dengên AKPê ji sedî 3,4 û yên MHPê ji sedî 1,3 daketiye. Di heman serdemê de, rêjeya dengên CHPê ji sedî 1,3 û dengên ÎYÎ Partî ji sedî 2,6 zêde bûye.

Her li gor vê rapirsiyê, rêjey dengên HDPê di navbera herdu mehên Çile û Hezîranê de bi rêjeya %0.50 daketiye. Encamên rapirsiyê nîşan didin, ku HDP di meha Çile de %11.6 û di meha Hezîranê de jî %11.1 dengan misoger dike.

 

Rudaw