Peyvdarê dadgeha federal ya Iraqê Îyas Samok, ji Kurdistan24ê re eşkere kir, ku îro dadgeha federalî ji bo gotûbêjkirina hejmarek doseyên destûrî rûniştinek lidar xist, ji wan doseyan jî pirsa referanduma serxwebûna Herêma Kurdistanê û biryara hilweşandina encamên wê bû.

Îyas Samûk got: "Dadgeha federalî bi pêdeçûna çar dozên taybet bi referanduma serxwebûna Kurdistanê, gihişte wê biryarê ku referanduma serxwebûna Herêma Kurdistanê nedestûrî ye".

Ev yek di demekê de ye, meha derbasbûyî dadgeha federalî ya Iraqê gotibû: "Em nikarin biryar bidin ku referanduma serxwebûna Kurdistanê destûrî yan nedestûrî ye, heya sdozên girêdayî referandumê neyên yekalîkirin û aliyê Herêma Kurdistan amade nebe."

Ji aliyê xwe ve, endamê komîta nivîsandina destûra Iraq di sala 2005an Kerîm Behrî ji Kurdistan24ê re got: "Li gorî destûra Iraqê referandum mafekî yasayî û destûrî yê Herêma Kurdistanê ye û ti yasayek nikare encamên wê hilweşîne heger referandumeke din nebe."

Rudaw