Nivîsîngeha Ragihandina Serokomariya Iraqê ragihand, ku Fuad Mehsûm di serdana xwe ya Silêmaniyê de ti peyam, daxwaz an jî mercên hikûmeta Iraqê û aliyekî din ê peywendîdar jî bi fermî yan nîv fermî ji YNK û Hikûmeta Kurdistanê re nebiriye.

Nivîsingeha Ragihandina Serokomariya Iraqê bi daxuyaniyekê ragihand, ku armanca serdana Fuad Mehsûm ya Silêmaniyê, gotûbêjkirina kirîza niha bûye, ji bo dîtina çareyeke bilez e ji bo rizgarkirina welat ji metirsiyan. Herwiha peydakirina rewşeke guncayî, çareseriya aştiyane û vegera ser rêbazê diyalogê di navbera Kurdistan û Bexdayê de ye.

Di daxuyaniyê de tê gotin, ku derbarê awayê çareserkirina kirîz û pirsgirêkan de nerîn û hizrên Serokomar hene.

Ev daxuyanî di demekê de ye, ku Fuad Mehsûm şeva derbasbûyî bi serdanekê gihişte Silêmaniyê û derbarê rewşa Kerkûkê de bi serkirdtiya YNK re civiya. Hqate gotin, ku Mehsûm şeş daxwazên Ebadî û Heşda Şeibî gihandiye YNKê.

Li gorî zanyariyên Rûdaw daxwazên hevbeş yên Heyder Ebadî û Heşda Şeibî dûrxistina Necmedîn Kerîm ji postê parêzgarya Kerkûkê û radestkirina bîrên petrolê, vegerandina pêşmerge ye bo wan cihên beriya Hezîrana 2014ê ye.

Rudaw