Çavdêrê referandoma Kurdistanê, David Pollock: Ti roleke Îsraîl di referandomê de nebûye
Vekoler û pisporê Amerîkî David Pollock, ku yek ji çavdêrên referandoma serxwebûna Herêma Kurdistanê bû, ji televîzyona erebî ya “Al Hurra” re gotiye, di wê heyama ku ez li Kurdistanê bûm, min ti alayeka Îsraîlê nedît.
David Pollock her wiha gotiye, ti roleke Îsraîl di serkeftina referandoma Kurdistanê de nebûye. Piştevaniya Îsraîl bo serxwebûna Kurdistanê tenê bi gotin bûye ne bi kiryar.
Serokwezîrê Îsraîl Binyamîn Netanyahu û çend rayedarên din yên cihû piştevaniya xwe bo serxwebûna Kurdistana Iraqê nîşan dabûn.
Serokomarê Tirkiyê Recep Tayyip Erdogan, Mossada Îsraîl bi wê yekê tohmetbar kiribû ku di encamdana referandomê de alîkariya Kurdistanê kiriye.
basnews
