Serokomarê Sûriyê Beşar Esed ji ber koça dawî ya sekreterê YNKê û serokomarê berê yê Iraqê Celal Talabanî peyamek ji Serokomarê Iraqê Fûad Mehsûm re şand û hevxemiya xwe anî ziman.

Beşar Esed di peyama xwe de koça dawî ya Mam Celal ji bo Iraq û Sûriyê weke wendahiyeke mezin terîf kiriye û gotiye: “Ew li gel bûyerên herdu welatan rast û dirûst jiya. Parastina berjwendiyên herdu welatan kir. Hem dilsoz û hem jî wefadar bû. Ji ber van prensîbên wî dost û neyarên wî jî rêz jê re digirtin.”

Esed ji bo Mam Celal peyva “Serok Celal Talebanî” bikar aniye û diyar dike ku “Pêgeheke taybetî yê Serok Celal Talebanî di dilê gelê Sûriyê de hebû.”Esed di dawiya peyama xwe de daxwaza sebrê û sersaxiyê ji malbata Talabanî re xwest.

Waar.tv