Hejmarek ji Kurdên Israîlê, Îro Duşemê hevdem li gel birêveçûna referanduma serxwebûna Kurdistanê, li pêşya kunsulxaneya Amerîka li Orşelîmê (Qudis) ji bo piştevaniya referanduma serxwebûna Kurdistanê kom bûn û dest bi şahî û semayê kirin.

Di wê ahengê de, amadebûyan ala Israîl û Kurdistanê û wêneyê Serokê Herêma Kurdistanê bilind kirin û kêfxweşiya xwe dan xuyakirin.

Şahî û ahenga Kurdên Israîlê, di demekê de ye, ku helwesta wî welatî beramberî serxwebûna Kurdistanê zelal e û berî niha jî serokwezîrê Israîl Benjamin Netanyahu ragihandibû: "Kurd gelekî cengawer in û hêja ne çarenivîsa xwe bi xwe diyar bikin û dewleta wan ya taybet hebe."

K24