Nêzîkî 100 kes, li pêşya balyozxaneya Amerîka li Orşelîmê (Qudis), piştevaniya xwe ji bo referanduma serxwebûna Kurdistanê nîşan dan û dilxweşiya xwe ji bo serxwebûna Kurdistanê ragihandin.

Ew çalakî, bi serpereştiya Îlan Pişderî, endamê Rêxistiya Cihûyên Kurd hat lidarxistin û çendîn kesatiyên Israîlî têde beşdar bûn.

Her yek ji Serokê wê rêxistinê Hêrçil Lîvî, Damezrênerê rêxistina Furom Kîdîm ya mafê mirovan Dr Êdî Kohîn û hejmareke din ji kesatiyên Israîlî beşdarî di çalakiyê de kirin.

Amadebûyan ji bilî gotina diruşmên piştevaniya serxwebûna Kurdistanê û, bi şahî û dîlanan dilxweşiya xwe li ser biryara encamdana referandumê dan xuyakirin.

K24