Wezîrê derve yê Tirkiyê serdana herêma Kurdistanê dike û aliyên tirkmen jî behs dikin ku Tirkiye dê dervey helwêstê ku di çapemeniyê de tê gotin, dê danûstandinê bike.

Wezareta derve ya Tirkiyê bi daxuyaniyekê ve aşkera kir, Mevlîd Çawişoglu serdana Bexda û Hewlêrê dike û li gel berpirsên Bexda û serokê herêma Kurdistanê jî dê bicive.

Serokê partiya Gorran û Nûbuna Tirkmen Mihemed Êlxanî ji BasNewsê re ragehand: ‘’Tişta ku li Tirkiyê derbarê referandûmê de tê gotin bêhtir nêrîn û raman in, ne ku ew e bandorê li ser peyvendiyan bike, ji ber di dema herî hestyar de ku nêzîkbûna li referandûmê de wezîrê derve yê Tirkiyê serdana Kurdistanê dike û heta naha bi kiryarî Tirkiye ti gavek li dijî referandûmê ne avêtiye û helwêstê xwe bi awayeke nerm ragehandiye, ji ber nikare ji wê zêdetir be û ev yek jî wek kevneşopiyek navneteweyî ya dîplomatîk e.’’

Herwaha got: ‘’Gotina Tirkiyê ya dawî ew e ku axa Iraqê bê parastin, ji ber ji aliyê siyasî û dîplomatîk ve naxwazin li gel Iraqê peyvendî ji vê xirabtir be. Eger na peyvendiyên Tirkiyê û herêma Kurdistanê, gelek ji peyvendiyên Iraq û Tirkiyê bihêztir e û di asta bazirganî de jî bi heman awayiye, ji ber vê hatina Çawişoglu peyamek giringe ku Tirkiye ti demê peyvendiyên li gel Kurdistanê têknade û alîkarî jî dê zêdetir bin, ji ber di aliyê wûze de jî rêkeftinek 50 salî hatiye kirin.’’

Dawî de jî got: ‘’Di gotûbêjên wezîrê derve û berpirsên herêma Kurdistanê de pirsa bazirganî û peyvendiyên dualî û paşeroja navçeyê dê bê behs kirin.’’

Rudaw