Desteyek zanayên ola îslamê yên Erebistana Siûdî serxwebûnê wek mafeke rewa yê gelê Kurdistanê pênase dikin.

Serokê tîma ragehandina heciyên Kurdistanê li Erebistana Siûdî Nebez Îsmaîl ji BasNewsê re ragehand, duh 20.08.2017ê li bajarê Cidde ya Erebistana Siûdî şandeke wezareta Ewqaf û karûbarên olî yên hikûmeta herêma Kurdistanê li gel desteya zanayên Îxaseya îslamî ya Sîûdiyê civiyane.

Di civînê de şanda Kurdistanê û desteya zanayên îxaseya îslamî ya Siûdiyê balkêşane ser peyvendiyên kevin ên Siûdiyê û Kurdistanê û gotûbêja referandûma serxwebûna Kurdistanê pêkanîne.

Şanda Kurdistanê amaje bi qurbanên gelê Kurdistanê yên dema hikûmetên Iraqê û şerê dijî rêxistina terorîst a DAIŞê kiriye û ragehandiye ku Kurdistan bûye dergûşa aramiyê bo koçber û penaberên Iraqê û Sûriyê.

Nebez Îsmaîl ragehand, serokê desteya zanayên îxaseya îslamî ya Erebistana Siûdî piştevanî û amadebûna desteyê bo piştevaniya gelê Kurdistanê ragehandiye û gotiye referandûm û serxwebûna Kurdistanê mafê rewa gelê Kurdistanê ye.’’

Basnews