Sekreteriya Giştî ya Wezareta Pêşmerge ragihand, Amerîka û hevpeymaniya navdewletî tekez kirine, ku dê hevkariyên wan ên ji bo Hêzên Pêşmerge berdewam bike.
Îro li bajarê Hewlêrê Sekreterê Giştî yê Wezareta Pêşmerge Cebar Yawer li gel tîma şêwirmendên amerîkî, brîtanî û almanî civiya.
Li gorî daxuyaniya Sekreteriya Giştî ya Wezareta Pêşmerge, di civînê de behsa çaksaziyên nav Wezareta Pêşmerge û projeya hevpeymanan a ji bo birêxistinkirina wezaretê hatiye kirin.
Di daxuyaniyê de hate gotin: Di civînê de, li ser rêveçûna pêvajoya çaksaziyan, xalên sereke û karên pratîkî ya tîman bi hûrgûliyan ve hatiye guftûgokirin. Herwiha behsa girift û astengiyan hate kirin û nexşerê ji bo wan hate dariştin.”
Derbarê nûçeyên ku behsa birîna hevkariya Amerîkayê ya ji bo pêşmerge, Sekreteriya Giştî ya Wezareta Pêşmerge ragihand: “Em ji li vir hemû aliyan agahdar dikin, ku ti navendekî desthilata Amerîkayê bi rêya ti kanaleke fermî yan ne fermî, Wezareta Pêşmerge re negotiye ku ew dê hevkariyên xwe bibirin.”