Wezîrê Derve yê Almanyayê ragihand ku helwesta me yê tund li dijî Tirkiyê, encamên xwe yên destpêkê bandora xwe hebûn.

Îro, Sêşemê 15.07.2017 Wezîrê Derve yê Almanyayê Sigmar Gabriel ji rojnameya Kolner Stadt-Anzeiger diyar kir ku fişara aboriyê ya bi ser Tirkiyê de bandora xwe nîşan dide.

Li ser girtin çalakvanê mafên mirovan Peter Steudtner û welatiyên din ên Almanyayê, Wezareta Derve ya Almanyayê di 20ê Tîrmehê de hişyariya xwe ya li ser geştiyariya Tirkiyeyê tund kiribû û herwiha li ser veberhênenan li Tirkiye hişyarî dabû şîrketên Almanyayê.

Gabriel bal kişande ser wê yekê, ku Tirkiye bi îdiaya "piştgirî didin terorê" 680 şîrketên Almanyayê xistibûn nav lîsteyekê û piştî hişyariyên Almanyayê, Tirkiye ew lîste paşve kişand û Serokomarê Tirkiyeyê Recep Tayyip Erdogan ragihandibû ku "şîrketên Almanyayê bi şaşî xistine nav lîsteyê."

Herwiha Sigmar Gabriel aşkere kir, ku hişyariyên geştiyariyê arîşe derxistine holê û wiha pê de çû:

"Hişyariyan pêşî xebatkarên hotêl û xwaringehên ku piranî geştiyarên Almanyayê diçin wan deran, dilgran kirin. Tevî vê yekê divê em welatiyên xwe biparêzin. Em rê nadin Serokomarê Tirkiyeyê Erdogan, welatiyên Almanyayê zindan bike."

Basnews