Rêberê bizava Sedir ya Iraqê Muqteda Sedir dibêje, siyaseta hikûmeta berê ya Iraqê wisa kir ku kurd hizra cihêbûn û serxwebûnê bikin.

Muqteda Sedir, ku yek ji mezinên şîeyên Iraqê ye, ji rojnameya erebî ya Şerq El Ewset re behsa referandoma serxwebûna Kurdistanê kiriye û gotiye, xozî referandom hatiba paşxistin ji ber ku em dixwazin bi kurdan re bijîn.

Rêberê bizava Sedir her wiha gotiye, siyaseta hikûmeta berê ya Iraqê (qesta wî hikûmeta Nûrî Malikî ye) bû sebeb ku kurd biryara referandomê bidin û hizra serxwebûnê bikin.

Wî mezinê şîeyan li ser Heşda Şeibî jî gotiye, nabe tu artêş li Iraqê hebin ji ber wê jî divê Heşda Şeibî bi temamî tevlî artêşê bibe û bikeve bin fermana hikûmetê.

Muqteda Sedir li ser tifaqa bi serokwezîrê Iraqê Heyder Ebadî û serokê encumena bilind ya îslamî ya Iraqê Emar Hekîm re jî gotiye, ti astengiyel li hember wê tifaqê nîne.

Basnews