Roja sêşem 08.08.2017 li Selaheddîn birêz Mesûd Barzanî Serokê Herêma Kurdistanê pêşwaziya Frank Baker Balyozê Brîtanya li Iraqê û şandekî li gel kir.

Li hevdîtinê de behsa rewşa siyasî û emnî ya Iraqê li qonaxên piştî Da'îş û peywendiyên di navbera Herêma Kurdistan û Bexda kirin û her wiha ronahî xistin li ser paşaroja peywendiyên di navbera Herêma Kurdistan û Bexda û biryara gelê Kurdistanê ji bo encamdana referandûma li 25.09.2017.

Li hevdîtinê de Serok Barzanî tekez kir ku gelê Kurdistanê dixwaze li rêya aştî û dûrî tundutîjiyê bi mafên xwe bigihe û baştirîn peywendî li gel Bexda û cîranan û welatên navçeyê de hebê.