Kempîna piştevanîya Referandoma serxwebûna Herêma Kurdistanê li Bakorê Kurdistanê berdewame, Perlemantarên Kurd jî di Parlemantoyê Tirkiyayê de nameyek ji bo serokatîya Parlemantoyê Tirkiyayê hinart.
Kempîna piştevanîya Referandoma serxwebûna Herêmê di nameya xwe de eşkera kir; Herêma Kurdistanê ji ber sîyasetên Bexdayê himberî Herêmê neçar bû biryara Referandomê bide.
Li sala 2005 Kurd ji bo pesendikirina destûrê Îraqê gelek bizav kirin û rolekê serekî têda hebû, destûrê Îraqê jî li ser şeraketa wekhev û bi sîstemê fîdralî hatibû pesendikirin.
Perlemantarên Kurd di nameya xwe da diyar jî kir; Hikumeta Bexdayê pêgrî wî destûrî nebû û bendên wê bi cih neînan, ew yek jî bûye sedem ku pêkvejîyan li Îraqê nebe û Referandom li ser Tirkiya û deverê tiris nîne, belku dê bibe sedem peywendîyên herdu welatên cînar baştir û bi hêztir bin.

Waar.tv