Selahedîn Demîrtaş dide xuyakirin, hin alî dixwazin wî û Ebdulah Ocalan bînin beramberî hev û hewlên weha wek hestên nepak û xefletê binav kir û da zanîn ew rola xwe tenê bi dirustkirina aştiyê dibîne.

Hevserokê HDP Selahedîn Demîrtaş ku di Zîndana Edîrneyê de girtî ye, bo rojnameya Ozgurlukçu Demokrasî bi navê "Damezrandina Aştiyê" gotarek nivîsand û da xuyakirin aştî ne tenê bêdengkirina çekan û rawestandina pevçûnan e. Aştî, dawîkirina potansiyela her cure şer û tundiyê ye.

Da zanîn, di demên dawî de hin alî dixwazin wî û Ebdula Ocalan bînin hemberî hev û wan hewlan bi niyetê xerab û xefletê binav dike û divê rêz li kesên ku bi dengên gel tên hilbijartin bê girtin.

Demîrtaş da xuyakirin, bi peyv û pênaseya demokratîk kes nabe demokrat, ji ber ku demokrasî çand û şêwaza jiyanê ye û bang li hemû aliyên demokrasîxwaz kir ku, ji bo serkeftineke bingehîn, di warê aştî û demokrasiyê de rexne li hev bigrin.

K24