Biryar e îro Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) bicivin û guftûgo derbarê karên encamdana proseya referandûmê û amadekatiyên wê proseyê de bikin.

Li gor zanyariyên K24ê, biyar e îro PDK û YNKê li Hewlêrê li ser asta bilind bicivin û amadekariyên bo referandûmê û mîkanîzma aktîvkirina parlementoyê gotûbêj bikin.

Her li gor zanyariyan, di civînê de YNKê ronîkirinekê derbarê serdana şanda wê ya bo Tehranê û nêrînên berpirsên Tehranê bidin.

Ev yek di demekê de ye, piştî vegera wan ji Îranê û civîna wan a ligel berpirsên Tehranê, YNKê ragihandibû ew careke din ligel hemû aliyên siyasî yên Herêma Kurdistanê dicivin. Di çend rojên borî de jî YNKê ligel çend aliyan li Silêmaniyê civiya bû.

K24