Balyozxaneya Amerîkayê li Enqereyê bangî hemwelatiyê xwe yên li Tirkiyeyê kir ku ji ber salvegera bîranîna hewldana derbeya leşkerî ya 15ê Temuzê bi baldarî tevbigerin.

Di daxuyaniya li ser malpera Balyozxaneyê wiha hatibûn belav kirin: "Hemwelatiyên Amerîkayê, di 15ê Temuzê û rojên berî de, çalakiyên mezin wekê xwepêşandan û civîn li giştiyê welêt bo salvegera derbeya leşkerî dê bên lidarxistin.

Balyozxaneya Amerîkayê ya li Tirkiyeyê bangî hemwelatiyên Amerîkayê yên kesên serdana Tirkiyeyê bikin û yên li Tirkiyeyê dijîn ku ji wan deran dûr bisekinin, dike."

Ji aliyê din ve Balyozxaneyê bangî hemwelatiyên xwe kir ku nûçeyên herêmî bişopînin û hişyariya çalakiyên aştiyane jî dibe ku rîska tundiyê hebin.

Basnews