Rêveberek bilind ê opozîsyona Sûriyê ragehand ku referandoma başûrê Kurdistanê dê Kurdistanê ber bi serxwebûnê ve bibe.

Serokê Tevgera El-Xedî ya opozîsyona Sûriyê û serokê berê yê Îtîlafa Niştimanî ya opozîsyona Sûriyê Ehmed Cerba di hevpeyvîna li gel Şerqelewset de ragehand, ‘’Em xwedî peyvendiyên stratejîk in li gel gelê Kurdistanê û serokê herêma Kurdistanê Mesûd Barzanî.’’

Ehmed Cerba ragehand, Serokê herêma Kurdistanê bi vekirina deriyên herêma Kurdistanê bo koçber û penaberên Sûriyê û alîkariya wan a ji bo Sûriyeyiyan pir giring bû û ew kar wek helwêsteke baş û giring li hember Sûriyeyiyan tê pênase kirin.

Li gor Ehmed Cerba referandoma başûrê Kurdistanê dê Kurdistanê ber bi serxwebûnê bibe û hêviyan xwe yên rêkeftina Hewlêr û Bexdayê anîn ziman.

Cerba amaje bi dabeşbûna Kurdistanê ya sala 1916ê jî kir û ragehand, kurdên başûrê Kurdistanê di encama rêkeftina Sykes-Picot de ketin ser Iraqê û başûrê Kurdistanê beşek ezîz ê welatê Kurdistanê ye.


Basnews