Hat zanîn ku di êrişên çekdarî yên li ser parlamentoya Îranê û qebra Xumênî de herî kêm 9 kes hatine kuştin ku piranî hêzên ewlehiyê ne.

Îro danê sibê komek çekdarên nenas êrişî parlamentoya Îranê kirin, paşê qebra Xumênî jî rastî êrişa çekdarî hat.

Li gorî agahiyan, heta niha 7 polîs û pasdar, karmendekî şaredariyê û êrişkarek hatine kuştin, 11 kes jî birîndar bûne ku piraniya wan sivîl in.

Tê gotin ku heta jî alozî didome û êrişkaran li nav parlamentoyê de çend kes dîl girtine.

Hat ragihandin ku Wezîrê Hundir yê Îranê Ebdulrehman Fezlî bi rayedarên asayîş û polîs yê Tehranê re di civînê de ye.

Heta niha ti daxuyaniyek fermî li ser wan bûyeran nehatiye dayîn.

Basnews