PKK ala xwe di nav çar rêya Îxwan a bajarê Kerkûkê daliqandiya û berpirseke polîs jî amaje bi vê yekê dike ku PKK guh nade ti daxwazekê.

Bi rêya tora civakî ya Fanêkî ve çend wêne ji BasNewsê re hatine rêkirin û di wan wêneyan de amaje bi vê yekê hatiye kirin ku, PKK ala xwe li çar rêya Îxwan a bajarê Kerkûkê ve daliqandiye.

Vê derbarê de rêveberê binkeya polîs a Rehîmava Eqîd Ebdula ji BasNewsê re ragehand: ‘’Çend roje PKKê li sînorê parêzgeha Kerkûkê dest bi çalakiyan kiriye û yek ji çalakiya wan jî bilind kirina hin al e li çar rêya Îxwanê ya di nav bajarê Kerkûkê de.’’

Herwaha got: ‘’Guh nadin ti daxwazeke saziyên ewlehiyê û dixwazin li çend cîheke din ala xwe bilind bikin û naha jî ew al li çar rêya Îxwanê heye.’’

Herwaha wî berpirsî daxwaz ji PKKê û hemû aliyên siyasî kir, girêdayî rênmayiyên saziyên fermî li Kerkûkê tevbigerin.

Basnews