Piştî ku gotûbêjê wezareta derve ya Îranê bi fermi li dijî referandoma başûrê Kurdistanê û serxwebûna xwe ragehand, vê carê jî şêwirmendê bilind ê Xaminey dijatiya xwe di vê derbarê de ragehand.

Şêwirmendê bilind ê Xamineyî yê karûbarê navnetewî û serokê navenda lêkolînên stratejîk a berjewendiyên Îranê Elî Ekber Welayetî ragehand: ‘’Îran dikare pêşîgirtina lewazî û dabeşbûna welatên navçeyê û di aştî û seqamgiriyê de rolên giring bigre serxwe.’’

Elî Ekber Welayetî got: ‘’Îran berevaniyê li Sûriyê û Iraqê û li serweriya wan dike û herwaha berevaniya li wan welatan berevaniya xwe dizane, ji ber divê Îran pêşî li dabeşbûna wan welatan bigre û ev yek bo seqamgiriya navçeyê giringe.’’

Berî naha jî gotûbêjê wezareta derve Behram Qasimî ragehandibû: ‘’Em dijî rapirsî û serxwebûna Kurdistanê ne û piştevaniyê li yekparçebûna Iraqê dikin.’’

Basnews