Fermandeyekî Pêşmerge li bajarokê Xurmatû yê Başûrê Kurdistanê dibêje, hêzên Pêşmerge bajêr li hember êrişên terorîstên DAIŞê û çekdarên Heşda Şeibî diparêzin.

Fermandeyê tabûra 4 ya Pêşmerge li Xurmatû, Ebdulrehman Mûsa ji BasNewsê re got, salek e hêzên Pêşmerge bajarê Xurmatû li hember êrişên terorîstên DAIŞê û çekdarên Heşda Şeibî diparêzin.

Wî fermandeyê Pêşmerge her wiha got, ev demek e li Xurmatû teqîn û revandin zêde bûne. Çekdarên DAIŞê êdî nikarin şerê Pêşmerge bikin ji ber wê jî mîn û bomban datînin pêşiya Pêşmerge.

Îro danê sibê di navbera gundên Hilêwe û Elbûsebah yên Xurmatû de bombek teqiya, di encamê de 2 pêşmerge birîndar bûn ku rewşa yekê baş nîne.

Basnews