Rêveberê ofîsa rizgarkirina revendiyên êzdiyan diyar kir: ‘’Desthilatdarên rojavayê Kurdistanê gelek pirsgirêkan bo revandiyên êzdî yên tên rizgar kirî ava dikin, hin caran bo heyama 20 rojan ew revandiyên êzdî dema rizgar dibin li binkeyên xwe dihêlin.’’

Rêveberê ofîsa rizgarkirina revandiyên êzdî Husên Qaêdî ji BasNewsê re ragehand: ‘’Desthilatdarên rojavayê Kurdistanê rizgarbûyên êzdî li gel xwe dihêlin, ferî rahênan û perwerde dikin. Rastî jî em ji wê reftara wan nerazî ne, hemû êzdî dil giran bûne ji wan reftaran.’’

Herwaha got: ‘’Ev bêhtirî du sale xelkê me di bin zulm û zordayî û îşkenceya terorîstên DAIŞê de bû, mixabin demê rizgar jî dibin, li rojavayê Kurdistanê rastî heman nexwaşî û serêşî û belayan dibin.’’

Husên Qaêdî got: ‘’ew zarokên li Sûriyê ji destê terorîstan rizgar dibin, dema digehin rojavayê Kurdistanê ji aliyê desthilatdarên rojava ve wan zarokan gîro dikin, hin caran 15 heta 20 rojan wan zarokan bernadin.’’

Basnews