Şêwirmendê dîwana şahê Erebistana Siûdî aşkera kir, ku Şahê Erebistana Siûdî Şah Selman piştevanê serxwebûna Kurdistanê ye.

Li gor nûçeya malpera Keyhan El Erebî ku pişta xwe girêdide rojnameya Ukaz a Erebistana Siûdî, şêwirmendê dîwana şahê Erebistana Siûdî Ebdula Bin Ebdulezîz Bin Mihemed Elrebîe ragehand ku serdana şah a herêma Kurdistanê û hevdîtina wî ya li gel serokê herêma Kurdistanê Mesûd Barzanî serkeftî bû û rewşa navçeyê ya dawiyê û şerê du salen borî yê herêma Kurdistanê yê dijî terorîstan hatiye nirxandin û herwaha hewandina milyonan koçberan hatiye gotûbêj kirin.

Herwaha got, Kurdistan xwedî hêzeke mezin a aborî, rewşenbîrî, siyasî û leşkerî ye, ku heta naha Îran û Tirkiyê nekarîne li ser herêma Kurdistanê bi bandor û hakim be, ev jî bo serxwebûna Kurdistanê giringe û dibe sedemê parastina seqamgiriya temamî.

Şêwirmendê şahê Erebistana Siûdî diyar kir, Kurdistan dikare berjewendiyên xwe bi awayek serbixwe dabîn bike û herçend gef û metirsiyên ji aliyê welatên cîran hebe jî dikare vê yekê bike û wek navçeyeke bihêz dikare hebûna xwe bi parêze. Herwaha got: ‘Şah Selman Ebdulezîz piştevaniya xwe ya temamî bo serxwebûna Kurdistanê teqez ragehandiye, herwaha daxwaza xwe ya bilind kirina asta peyvendiyên Erebistana Siûdî û herêma Kurdistanê di hemû karûbar û aliyan de jî ragehandiye.’’

Basnews