Rayedarekî ji Wezareta Derve ya Amerîkayê li ser bilindkirina Ala Kurdistanê li Kerkûkê got: “Divê iraqî ji bo avakirina Iraqeke demokrat, yekgirtî û aram bixebitin.”

Rûdawê mijara bilindkirina Ala Kurdistanê li ser saziyên fermî yên Kerkûkê, ji Wezareta Karên Derve ya Amerîkayê pirsî.

Rayedarekî pile bilind ê wezaretê ji Peyamnêrê Rûdawê re wiha got: “Divê iraqî ji bo avakirina Iraqeke demokrat, yekgirtî û aram bixebitin. Ji bo şîroveyên zêdetir baştir e peywendî bi hikûmata Iraqê re bêne kirin.”

Encumena Parêzgeha Kerkûkê roja Sêşemiya 28.03.2017ê di civînekê de bi fermî û bi piraniya dengan biryara bilindkirina Ala Kurdistanê li ser avahiyên hikûmî û fermî yên wê parêzgehê pesend kir.

Serokatiya Herêma Kurdistanê ragihand ku biryar yasayî ye.

Rudaw