Piştî hewla du caran ku agir bi baregehê bidin, Partiya Yekîtiya Demokratîk (PYD) li Serê Kaniyê li Rojavayê Kurdistanê agir bi malekê li tenişta baregeha Partiya Demokrata Kurdistanê (PDK-S) xistin.

Komîta Ragihandinê ya rêxistina Serê Kaniyê ya PDK-Sê ragihand, demjimêr 1:00 piştî nîvê şevê, alîgirên PYDê bi riya molotovan careke din hewl dan baregeha PDK-Sê bişewitînin, lê Molotov li di pencereya baregehê re derbas nebû û li pêş malekê kete xwarê û agir bi wê malê ket.

Endamê Komîta Herêmê Ebdilhemîd Xelîl ligel xelkê wê taxê bi zûyî agir vemirandin û nehêştin agir belav bike.

Li gor zanyariyan, ev ne cara yekem e ku alîgirên PYDê hewla şewitandina baregeh û nivîsgehên wê partiyê dikin, ku di vê dawiyê de êrîş li ser baregehên PDK-Sê li Rojavayê Kurdistanê zêde bûye.

K24